مصطفي مقلد - تعرفي


تعرفي

مصطفي مقلد


تعرفي
انا مصطفى لعنيكي 
من لحظة هطول روحي
وانا اصطفيتك روحي
قبل ما تصطفي....
يا دي العيون اللي رمتني 
بسهمها الصايب 
يا دي الجبين اللي بيبدر ضي 
يا إدين فنار الفجر ليه غايب؟
ليه الوجود مُختفي
تعرفي؟
طب تعرفي
إن العبير اللي انتي عملاه للحياه
لساه على أول قصيده كتبتها
بيشدني من روحي لما المنتهى
وانتي بدايته ومنتهاه
وانك طلوع الزهر فوق شجر النشيد
وانتي النسيم الجي من كل اتجاه
وانك وحيدة روحي بنت محبتي
وانتي القصيده البكر ف النبع البعيد
وانا روحي عطشانه الحياه
يا حلم كان صاحبي الوحيد
لكنه دام صاحب وفي
تعرفي
طعم احتفال النبض بوجودك
أو دهشتي الأولى
بلقيانا
وكأن ربك لما سوانا
سوانا - انا وانتي -
صفيه لصفي
ما قصدت أقول الشعر
ف عيونك
وإنك تكوني الدنيا في عيني
هيَّ الحكايه إن انا كنتك؟
وللا الحكايه ان انتي كنتيني؟
ما قصدتش اني أعرّفك
بس التقيتك
تعرفي...