سماء عماد - يا حب ماما ❤


يا حب ماما ❤

بقلم: سماء عماد 

مع كل مرحلة عديت بيها في حياتي حبي لأمي فيها شيء فطري وشيء ثابت لكن احساسي بيها في كل مرحلة بيختلف تماما عن المرحلة اللي قبلها 😊
وانا صغيرة شوية لما كنت في المدرسة كان نفسي افهم ايه الفكرة من ان تلاتربع رغبات حياتي اجابتها "لا" ...اروح رحلة يا ماما لو سمحتي..لا...ماما انا عايزة اروح لصحبتي والله هيا كمان بنت ناس وعندها أهل بيخافوا عليها مش انتو بس اللي بتخافوا عليا...لااااء هيا تجيلك لكن انتي متروحيش...ماما انا عايزة اعمل كذا...لا ده غلط 
لا لا لا لا لا ده عيب وده غلط وده يصح وده ميصحش و و و و 😊😊 وكنت بشوف ان يعني حرام عليكي يا شيخة كمية الغلاسة والعكننة دي..انتي مواراكيش غيري ولا ايه؟؟؟!!!! 😂😂
بعد شوية ابتديت مرحلة جديدة وتحول كبير وثقة أكبر في طريقة تفكيري وتصرفاتي وقراراتي مع الاحتفاظ لسه طبعا شوية بالغلاسة والعكننة طبعا 😂😂
ابتدى يبقى في تناسب طردي بين التعلق اكتر والحب الاحتياج وبين سني وانا بكبر يوم ورا التاني
ابتديت في كل موقف احط نفسي مكانها اكتر احس بيها اكتر ألتمس وجهة نظرها واللي كنت مبتقبلوش زمان بقى على قلبي زي العسل...ابتديت أدركك الحب والخوف والعطاء اللامنتهي والغير مقرون او مشروط بأي حاجة تانية......وده لا يمنع وجود اختلاف وجهات نظر وكلاشات احيانا بس الفكرة ان كل ما هيا بتكبر بتزيد مسؤوليتي ناحيتها اكتر ومشاعر احتواء ورحمة ورأفة أكتر......وقفتها لينا في كل رمضان اكتر حاجه حسيتها وافتقدتها السنه دي...
كانت جملتي الشهيرة " أنا مستحيييل لما اكبر واتجوز ويبقى عندي بنت اعمل معاها او أربيها بنفس الطريقة دي" 😊...كانت تبصلي وتضحك وتقولي بكرة نشوف
اه انا لسه معنديش بنت ولا حتى اتجوزت بس حرفياااا أنا هعمل معاها أكتر ما اللي ماما عملته معايا لأن أصلا المحيط بينا بقى ما يعلم بيه إلا ربنا 😊
كل اللي متأكدة منه إني هحبهاااااا أووووووي ❤❤
بفرح أوي لما بحس ان شبهي وملامحي حتة منك ولما حد يقولي انتي شبه ماما أوووي😊 بحس أد إيه حظيت بقدر كبير من الحسن والجمال 😊❤❤
بحبك يا ماما 


الإبتساماتإخفاء