محمود أنس - باحلم



محمود أنس محمد 

إيد لوحدها ماتصقفش 
صوت لوحده مش ثورة 
كلمة (أنا) وحدها ماتسَمَّعش 
مافيش فريق لوحده ف الدورة 
عمرك بديته بإتحاد اتنين 
قلبك عشان ينتشي 
لا بد من محبوب .. 
عينك عشان تتسحر 
لا بد من ساحر 
كيف راح تقول الله 
و القلب مش قادر 
مسرح بدون جمهور 
و طبيب بلا مرضى 
عندي الكتير م الحلم 
لكن بدون قدرة 
باحلم اطير ف الهوا 
لكني بلا جناحات 
باحلم اضم القمر 
يديني من ضيه 
بس القمر بالذات 
مالهوش شبيه زيه 
باحلم اكون شجرة 
و جدوري تحت الارض 
باحلم اكون مطرة 
تسقي النبات و الناس 
و احلم اكون وناس 
لعجوز ف ليلة شتا 
و احلم اكون وناس 
لفقير ماداقش الغطا 
و احلم اكون العطا 
لأيادي كل الخلق .. 



شارك المقال

فيس بوكتويترجوجل +


الإبتساماتإخفاء