زكريا حجاج - سوشيال ميديا




بقلم: زكريا حجاج

هل أعددتم مشروبًا ساخنًا..؟

لكم حرية الإختيار اذ كان "شاى" بألوانه أو "قهوه" بأنواعها أو "نسكافيه" أو "كابتشينو" هذه هى قواعدي للفضفضه.

حتى لا اُطيل فى شئ لا جدوي منه، حديثى اليكم عن السوشيال ميديا، وقبل الخوض فى تفاصيل الموضوع وجب التنبيه أنه يوجد خيط رفيع ما بين الإستهزاء بالاخرين و النقد الساخر فاذا لم تقم بتمزيق هذا الخيط سيتقبل الاخرين ما تقول.

أما إذا مزقته ستكون شخص سخيف بارد غير مضحك ثرثار فيما لا يعنيك، أتمنى أن أحافظ عليه.

الفئة المستهدفة من هذا المقال أقل وصف يطلق عليهم هم ظاهرة مدمنى السوشيال ميديا ولكم.. كلمتين فى ودانك.

- عشان نتفق البنت اللى بتقعد تنزل كل شهر جزء من جسمها مره فخدها، ومره رجلها ومره ودانها.. إنتِ مش يوجى يو ومش موضوع جمع وكسب، إتعاملى مع الفيس بوك او توتير باحترام اكتر.

- للبنت بردو.. تعرفى انى ليكِ كيان مستقل (اه و الله) فانتِ لما تسمى نفسك انا حبيبتي حيدر، وبكده حيدر مش هسيبك.. بالعكس حيدر هيدور على أول واحد أجمل منك.

- ممكن أفهم إنك مش عايزه تقولى اسمك عشان مكسوفه أو لأى سبب.. لكن اللى مش قادر افهمه انك تسمي نفسك مثلا (منه منه او منه منونه او منه و منته) هل اسم الحاج بقى عوره..؟

 - نصيحه.. لما تسمى نفسك اذا كنتى بنت أنا بسكوته ومبحبش القوطه ده مش معناه إن كل الولاد هيبعتولك ADD.

ولو سميت نفسك اذا كنت ولد (أنا تاز المشاكس و بحب اعاكس) ده مش معناها إن كل البنات بتحبك، و كل البنات حلوين، طبعا يا سيدى يا بختك، انت اللى زيك مين.  ودا ودا ودا..!

- بالنسبه للولاد و الله العظيم عارفين إن عضلة صدرك اليمين أكبر من الشمال فمش لازم تعمل زووم عليها.

- مش عشان تثبت للناس انك بتروح الجيم تنزل صورتك وانت عريان.. على فكره بتبقى مقرفه جدًا. أو إنك كل شوية تكتب بوست (انا شايل حجم حديد حدارتاشر) أو إنك زهقت من التونه عشان انت و الله العظيم أول ماتُخرج مع صحابك مبطلش ضرب شندوتشات شاورما من كابتشينو و بتبلعها بسندوتشات فول و طعميه من الغول.

- بوستات اذ لم تضغط سبحان الله اعرف ان شيطانك الذى بداخلك ويسري فى عروقك هو الذى منعك..!

- او بوستات عائلة شاكيرا و بيكيه جابت 1111 لايك فى اقل من 3 دقايق يا ترى عائلة متعب و يارا نعوم هجيب كمان..!

طبيعى ع فكره انها تجيب اكتر عشان دي شاكيرا بردو.

- فيديوهات اذا لديك ذرة رحمه او انسانيه اعمل شير فى الخير، او اذا لم تصدق جرب بنفسك و انظر لهذه النقطه ثم لسقف بيتك هتلاقية زى ماهو..!

كل ده اذا عملت حاجه منه إعرف إنك مختل عقليًا

- نصيحه ع السريع اسمه فيس بوك مش فيس و واتس اب مش واتس او واتص او واطس.

- بالنسبه للناس اللى بتخاف حد يشيرلها حاجه او يكتبلها حاجه عشان صورتى قدام اصحابي و الله انت مكبر الموضوع.

- متخليش حبك لفنان معين يقلب بروفايلك حظيره له. 



* اقترب اكثر واكثر.. 

لا تجعل حياتك منظمه على الفيس بوك او توتير او انستجرام او واتس اب فلكل شئ وقته.

الدين المعامله و التدين هو ممارسة افعال انما انك تقوم بكتابة بوستات فقط فهذا يسمى ادعاء تدين.

لا تترك اهلك او الجلوس معهم من اجلهم فستأتى لحظه و لن تجد اهلك حينها لن يكن هناك وقت للندم.

اعرف أناس اصبحوا يستقيظوا و يناموا يحددوا مواعيد أكلهم شرابهم جلوسهم مع اهاليهم بناء على مواعيد فراغهم من مواقع تواصل الاجتماعى.

اسمها مواقع التواصل الاجتماعى لكن هم يستخدومها للانفصال عن مجتمعهم الحقيقي و يخلقوا لهم مجتمع جديد اخر لكن مع اول عسره سيدرك من سيتواصل معك لتقديم المعونه و الاخرون علاقات وهميه فلن تجد الاب او الام او الاخ او الحبيب البديل.

اصبحنا نعبر عن مشاعر بكتابة، نشعر بالسعاده او ايموشن وش بيضحك، او نشعر بالحيره، اصبح كل شئ محصور ضيق تشعر انك محبوس بداخل عالم لا تستطيع الفرار منه.

لكن يجب علينا ان لا نعتمد ع الايموشنز للتعبير عن مشاعرنا فعلينا ان نعود لعالمنا الحقيقي.

يوجد ناس يتعاملون مع الفيس بوك انه خلق لهم و من اجلهم و فى سبيلهم و ان كل ما يدور حولهم فى هذا العالم الافتراضى موجه لهم فهولاء ليس علينا الا ان نتجنبهم و ندعوا لهم بالشفاء.

 انتهت فضفضة هذا الاسبوع و اتمنى ان تكون خفيفه ظريفه لطيفه


الإبتساماتإخفاء