أماني سعيد - كوني من وحي الإله


بقلم: أماني سعيد

كوني من وحي الإله
وسط البلاء وسط العفن
كوني مهما اعيش اعيش
اخري كفن
محطوط عليا
كوني بنت وانك ولد
ممنوع علينا العشق
اللى انولد
ما بين خلايا قلبنا
كونك هنا
لدمعك الميت فى روحي
وضهرك اللى انحنى
زي الوطن
اللي قابل بالسكات
لاجل الحياه
لكنه مات
وان الحياة
متقلبة
حُبها دايما ربا
اخد ت فرحه منها
تاخدها مني ألف طرح
كوني بعيش على الاقتناع
و انت لعقلك الف صرح
و انى السلاح
وانك بطل
و ان الحياه كل الحروب
وان المشاعر اسوء عدو
وانك سعاده وانى هو
مطيرك لابعد سما
عايزنى ااضمك انما .
كوني 'انا '
من صنع الأله
وسط البلاء وسط العفن ..
وني في احضانك كفن
يحرم عليا
اني اتلمس
من ايديك
واني اتحبس
جوه الظنون
وانك تخون
وان الملامح اتغيرت
واتبدلت جوه القلوب
وأصبح في شق القلب
موت
واصبح ف لمس الجرح 
صوت
وان الحياه في المبتدا
هي العدو
وان المشاعر لمس السكات 
والقوه كانت للحياه
وانك خبر للمبتدا
واني المرار لكل نعت 
واني والله امتنعت 
عن عشق متزوق سواد
عن روح مفارقه كل ذات 
عن ضحكة بايشة 
في قلب مات

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه