منى ياسين - حبكات غير مقنعة في "بين عالمين"



بقلم: منى ياسين

القصة باختصار عن الصراع بين السلطة والمال.. المسلسل ممتع وأحداثة شيقة وأنصح بمشاهدته.
لكن فيه بعض المشاهد ماكنتش مقنعة بالنسبة لي، وفيه مشاهد كان عليها علامات استفهام!
منها مثلا: شخصية (حمادة) .. مفيش مبرر لظهوره في المسلسل أصلا! المفروض إن (طارق لطفي) بيروح له الحارة ويطلب منه مصلحة كبلطجي وفعلا المهمة تمت بنجاح لكن البطل ما دالوش (الشقة) أجرته اللي كان متفق معاه عليها فحمادة يقرر ينتقم من البطل ويبيع حشيش لبنته.. كل ده كان ممكن يعدي عادي.. لكن السؤال: ليه البطل لجأ لشخصية (حمادة) تحديدا اللي بيشوفه لأول مرة وخصوصا إن مع الأحداث بنعرف إن البطل قتل أبو حمادة بالخطأ وكان بيدفعلهم شهرية من غير مايعرفهم شخصيته ولما حمادة عرف إن الباشا اللي مشغله هو نفسه اللي قتل أبوه قرر ينتقم منه تاني ويضرب عليه نار!!
ثم بلطجي زي ده يعرف عنوان بيتك منين وكمان يروح عندك البيت فيشوف بنتك ويقرر ينتقم منها وينجح بكل سهولة كده.. وااااسعة جدا يعني.
- مشهد حادثة البنت: العربية اتقلبت بيها كذا مرة والبنت اللي كانت جنبها ماتت.. هي بقى حصلها إيه! نزيف في المخ ودخلت في غيبوبة.. مفيش كسر لا في إيد ولا في رجل وقامت بعد إسبوعين زي الفل ماشاء الله.. أوك بتحصل برضه ربنا كبير.. لكن ازاي يتعمل لها جراحة في المخ وشعرها يفضل زي ماهو!!.. معلوماتي البسيطة إن أي جراحة في الراس بيحلقوا الشعر أو جزء منه حتى مكان الجراحة!! لكن هي ماشاء الله بعد شهر قامت واتحركت ودخلت المحكمة وكانت بتجري وتتنطط عادي جدا.
- مشهد خطف البنت: الخاطف بيجري وراها جوه الشالية بتاعهم فهي بتدخل الأوضة وبتقفل عليها بالمفتاح فهو بيكسر الباب ويدخل! السؤال هنا هو لسه فيه أبواب بتتكسر بالزق الفردي!!.. البنت كانت مستخبية تحت السرير وهو ماشافهاش لكنه كان مستنيها قدام باب الشقة فهي أول مابتفتح باب الشقة علشان تهرب لقيته في وشها.. فطن ماشاء الله.
- عودة لحمادة: مروان رجع تاني لحمادة طلب منه خدمة ومقابلها إداله الشقة اللي كان نفسه فيها.. المسلسل خلص ومعرفناش إيه الخدمة الأخيرة اللي عملها؟؟
- صاحب المال ذو الوجه المقنع: ماجابش هو عمل الفلوس دي ازاي ومنين بعد ما النظام اتقلب عليه وحرق ملامه وخد منه كل حاجة! هو ازاي رجع أقوى منهم وبقى معاه فلوس كتييير اوي كده وبقى يقدر يروح كل الأماكن مهما كانت وكأنه طيف ويعرف كل الأخبار في لحظتها!
- مشهد خطف البنت من المستشفى: المفروض انه تم في ربع ساعة.. واسعة جدا جدا يعني.
- المشهد الأخير مروان بيتم نجاته .. حسيتها لازم تكون نهاية حلوة علشان خاطر المشاهد.

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه