علا بركات - نفسين من صدر الحلم


بقلم: علا بركات

ونهاية القصه حكاية وقت
حفظاها وحفظانى القصه
انا برضه مكنتش قوى صدقت
ولو انى عليت على بحر الآه
وحلمت وخدنى الحلم معاه
وانا عارفه الموج مستنينى
أنا شايفه نهايتى قصاد عينى
كام مره تموتنى الأحزان
و الأمل الواهم يحيينى
ومعاك فى طريق عارفاه الروح
خدتنى و لا سرق روحنا طموح
أنا كنت معاك مش بايديا ..
ومتغميه ..
ومش مضطره ..
اخترتك أنا ..
أجبرت عليك ..
فى رحابك مسجونه وحره
واهى جاتنى نهايه ما فادش هروب
و لآخر لحظه الروح بتدوب
منك و معاك .. يا حبيب و اليك
ما احلاها حياه تنتهى بايديك
ارحم بكتير يا ملاك النور
من شهقه تغمض فيها عنيك
واتحمل ضلمة ليل القهر 
وقمرنا الغايب طول الشهر
ولكنى برغم الليل ما اقدرش
اتحمل صوتك ما يغنيش
ازاى هنكمل من غير صوت
وانت اللى وصفت سكاتنا بموت
وما دام الحلم ما بيكفيش ....
و فضاء العالم ما يقضيش ....
خليك مسنود على روحى عشان 
الباقى من الأيام دى يفوت
نفسين من صدر الحلم نعيش 

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه