Uncategorized

“كام حبيب رايح” بقلم “بسمة أحمد”

 

خطأ فادح وخوف واضح وكام ذكرى لحبيب رايح.
خطأ فادح وخوف واضح وكام ذكرى لحبيب رايح.
خطأ فادح وخوف واضح وكام ذكرى لحبيب رايح.
_ بتقولي إيه انتي؟
شالت الهاند فري من ودنها..
= إيه يا مي؟
_ ايه انتي فجأة صوتك عِلي وبتكرري نفس الجملة حبيب مين اللي راح!
= كل الحبايب بتروح يا مي ماحدش بيفضل كلهم بياخدوا حته من روحك ويمشوا لحد ما روحك تضلم وماتبقيش عارفه تبصي جواكي من بعدهم بتخافي تتصدمي من كم الخراب اللي هتشوفيه هتشوفي غابة بغصون شجر كتير متشابكه ونار بتاكل فيها الدخان هيعميكي بس بمجرد ما النار تهدا هتشوفي الخراب اللي سابته النار في قلبك اااه يامي من الخراب اللي في قلبي اااه..
_ يااااه كل دا ايه يا آسيا يا معقول كل الحزن دا الحزن هينهيكي!
= انا هويت وانتهيت.. انتهيت يوم ما مد ايديه جوايا ومسك قلبي عصره لحد مانزف كل حبه ومات..
_ فوقي لنفسك وانسي.
= انسى!! هو انتي فاكره ان في حاجة اسمها نسيان احنا بنتناسى يا مي بنعمل ناسين بنحط وجعنه في الركن الملعون جوانا ونعمل ناسين عاملين زي اللي بيجري بعزم ما فيه وفي الآخر يلاقي نفسه قدام كل مخاوفه.. يعني مثلًا تفضلي تعملي ناسيه وتيجي أغنية أربع دقايق تهد حطان قلبك.. تخلي أوجاعك تمر قدامك زي شريط الفيديو بالظبط، انا حبيته يا مي ماعملتش أي حاجه غير إني حبيته كل حاجه فيا حبيته، إيدي حبت لمسته، عيني حبت تبص ليه.. شفايفي حبيت اسمه الناس كانت بتنادي باسمه من كتر ما هو مني وجوايا معقول الناس شافت حبي وهو لأ هو ازاي كان قاسي كده ازاي عرف يقتل قلبي في عز فرحته بيه طيب كان لفت نظري الخبطه اللي في مقتل دي دا انا روحي لسه بتفرفر من الدبح اااه يا وجع قلبي فيك…
_ كفايه يا آسيا حرام عليكي.. ابعدي وانسي حاولي ادعي ربنا مافيش حاجه كتر على ربنا قادر ياخده من قلبك كأنه لم يكن دا ربنا يا آسيا..
= ربنا اللي زرع حبه في قلبي معقول كان بيبتليني معقول ربنا مرض قلبي عشان عصيته انا عصيته بس ضعف مني مش قوه انا باحبك يارب وطالبه رحمتك ارحم قلبي يارب ارحم خوفي ودموعي يارب اللي انا فيه دا فوق طاقتي يارب عاقبني بطريقه تانيه لو لازم العقاب، عارفه انا اصحى من النوم ناسيه كل حاجه ناسيه حتى اني قابلته في يوم يفضل بالنسبة لي مجرد اسم، إسم لشخص ما..
كان نفسي أجيب ولد منه نفس عنيه ولمعتها نفس ضحكته اللي وقعت قلبي من سابع سما يااه لو خد دفا صوته عارفه كنت هسميه (يونس) قتل ابني منه قبل ما اشوفه يامي خد كل طاقتي للحياه ماسبليش حتى اللي يوفقني على رجلي في غيابه الكارثة إنه ماتهزش حط الخنجر في قلبي بمنتهى الإرياحية والابتسامة على وشه ومشي كأنه داس على رجلي بالغلط..
_ كفايه يا آسيا كفايه وجعتي قلبي..
= ماعتش قلب يتوجع…

اظهر المزيد

مقالات ذات صلة

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock