ورقة شعر

“مافيش حاجة” بقلم الشاعر مروان أحمد

 

مافيش حاجه
انا كويس
وكله تمام
وعال العال
اكيد الوضع من عندك جميل جدا
لاكن تعرف
محدش جرب الاحساس بصاحب الحال
ف لو حابب تجرب شوف
تقرب تلقي نص الخوف
هتعمل زوم هتعرف قد ايه مهزوم
بتشرح لون لوحد كل عمره كفيف
هتدخل ف العلاقات كلها تخطيف
ياريتك بس تبقا خفيف
ومتحملش
عشان روحي الورق غرقت
متحسملش
وقلبي ضعيف مبيحملش
اللام فرقه واللام فارقه في مسار روحك
بتتحول لشخص غريب
بيدخل في العلاقات كلها تجريب
دا حتي في ضحكتك شكلك بيبقا كئيب
“مغلق عشان التجربه استهلكت روحه”
“مغلق عشان التجربه استهلكت روحه”
“مغلق عشان التجربه استهلكت روحه”
متستنوش
خلاص روحو

ياريت تبعد
لان الوضع من اقرب بيبقا مريب
ف خليك بس في مكانك
وسيبني اضحك
مفيش حاجه
انا كويس
وكله تمام
وعال العال
دا علشانك

مقالات ذات صلة

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock